PLCN | Prey Lang Community Network

ស្លាកស្នាមថ្មី និងរូបភាពផ្កាយរណបបង្ហាញពីការកាប់បំផ្លាញព្រៃឈើច្រើនទៀតនៅព្រៃឡង់

May 5, 2020 Touch Sopor

នៅថ្ងៃដែលសន្តិសុខក្រុមហ៊ុនឃាត់ខ្លួនលោកកាលពីខែមីនា លោក អ៊ូច ឡេង បានដើរវង្វេងផ្លូវចាស់ ដែលលោកតែងតែធ្វើដំណើរទៅកាន់ដែនជម្រកសត្វព្រៃនៅតំបន់ព្រៃឡង់។ សកម្មជនការពារព្រៃឈើរូបនេះបាននិយាយថា ជាទូទៅ លោកដឹងពីរបៀបធ្វើដំណើរតាមផ្លូវលំដែលគេត្រាយ ដើម្បីធ្វើដំណើរទៅកាន់ព្រំប្រទល់តំបន់ការពារព្រៃឡង់ ប៉ុន្តែ លោកមានការភាន់ច្រឡំ ដោយសារតែផ្លូវថ្មីដែលត្រួសត្រាយចូលជ្រៅបន្ថែមទៀតទៅក្នុងតំបន់ព្រៃក្រាស់។ នេះហើយគឺមូលហេតុដែលនាំឱ្យលោក និងសកម្មជនបីរូបផ្សេងទៀត បានជួបជាមួយសន្តិសុខក្រុមហ៊ុនកាប់ឈើដោយចៃដន្យ ដែលលោកនិយាយថា ពួកគេកំពុងធ្វើផ្លូវ។ សកម្មជនព្រៃឈើទាំងបួនរូប ត្រូវបានឃាត់ខ្លួនជាងមួយសប្តាហ៍។ លោក អ៊ូច ឡេង បាននិយាយថា ស្លាកស្នាមព្រៃឈើថ្មីៗបញ្ជាក់ថា មានសកម្មភាពកាប់ឈើថ្មីនៅតំបន់នេះ។ ស្របពេលជាមួយគ្នានោះដែរ នៅចម្ងាយរាប់រយគីឡូម៉ែត្រពីលើក្បាលរបស់លោក ផ្កាយរណបបានផ្តិតយករូបភាពដែលបង្ហាញស្លាកស្នាមកាប់ឈើយ៉ាងជ្រៅក្នុងដែនជម្រកសត្វព្រៃក្នុងរយៈពេលប៉ុន្មានខែចុងក្រោយនេះ ជាអ្វីដែលអ្នកស្រាវជ្រាវសង្ស័យថា ជាច្រកសម្រាប់ក្រុមហ៊ុន Think Botech ងាយស្រួលចូលទៅដល់តំបន់សម្បូរដោយឈើកម្រ និងមានតម្លៃ។ អង្គការឃ្លាំមើលព្រៃឈើ អះអាងថា ពួកគេរកឃើញសកម្មភាពកាប់ឈើកើនឡើងនៅដែនជម្រកព្រៃឡង់ ជាពិសេសបន្ទាប់ពីក្រុមល្បាតព្រៃឈើឯករាជ្យនេះ ត្រូវបានអាជ្ញាធរហាមឃាត់មិនឱ្យចូលល្បាតព្រៃកាលពីខែកុម្ភៈ ប៉ុន្តែ ក្រុមមន្ត្រីបានការពារការហាមឃាត់របស់ខ្លួនលើសកម្មភាពល្បាតព្រៃដែលគ្មានការចុះបញ្ជីនេះ។ លោក អ៊ូច ឡេង ជាសមាជិកបណ្តាញសហគមន៍ព្រៃឡង់ (PLCN) បានប្រាប់ VOD ថា៖ «យើងកំពុងល្បាតរកមើលការកាប់ឈើទ្រង់ទ្រាយធំ ដែលខុសពីការល្បាតរបស់អង្គការផ្សេងទៀត ដែលគ្រាន់តែដើរចូលក្នុងព្រៃ និងមិនល្បាតរកមើលក្រុមហ៊ុនកាប់ឈើនោះទេ»។ មន្ត្រីកម្ពុជាមួយរូប និងជាប្រធាននៃកម្មវិធីអភិរក្សព្រៃឡង់ដែលឧបត្ថម្ភមូលនិធិដោយរដ្ឋាភិបាលអាមេរិក … Read More

កម្មសិក្សាបណ្តាញសហគមន៏ព្រៃឡង់ (PLCN) នៅកម្ពុជា

September 26, 2019 Touch Sopor

បណ្តាញសហគមន៏ព្រៃឡង់ គឹជាបណ្តាញប្រជាជនក្នុងសហគមន៏ ដែលប្រើប្រាស់បច្ចេកវិទ្យាទំនាក់ទំនងដើម្បីធ្វើកំណត់ត្រា បទល្មើសព្រៃឈើ ដើម្បីការពារព្រៃឈើប្រមាណ ៥០០ ០០០ហិកតា នៅក្នុងតំបន់វាលទំនាបនៃប្រទេសកម្ពុជា។ បណ្តាញសហគមន៏ព្រៃឡង់ គឺជាសម្ពន្ធសហគមន៏ ដែលត្រូវបានបង្កើតឡើងក្នុងឆ្នាំ ២០០០ ដើម្បីឆ្លើយតបទៅនឹងការសម្បទានដីដែលបានចេញដោយរាជរដ្ឋាភិបាលក្នុងស្រុក ក៏ដូចជាក្រៅស្រុកនាពាក់កណ្តាលទសវត្ស៏ឆ្នាំ ៩០ ដែលរួមមានទាំងព្រៃឡង់ផងដែរ។ ព្រៃឡង់ ជាព្រៃបៃតងក្រាស់ស្ថិតនៅតំបន់វាលទំនាបដ៏ធំបំផុត និងស្មុគស្មាញបំផុតដែលសម្បូរដោយជីវចម្រុះក្នុងប្រទេសកម្ពុជា ក៏អាចចាត់ទុកថាធំបំផុតក្នុងតំបន់ជ្រោយឥណ្ឌូចិន។ ទំហំព្រៃមានរហូតដល់ប្រមាណ ៥០០ ០០០ហិចតា ក្នុងតំបន់ទំនាបកណ្តាលនៃប្រទេសកម្ពុជានាភាគខាងលិចទន្លេមេគង្គ ដែលលាតសន្ធឹងជាប់ខេត្តចំនួនបួនគឺ ខេត្តក្រចេះ កំពង់ធំ ស្ទឹងត្រែង និងព្រះវិហារ(ពីមុនវាក៏នៅជាប់ខេត្តកំពង់ចាមផងដែរ)។ ចាប់តាំងពីឆ្នាំ ២០០៧ បណ្តាញសហគមន៏បានធ្វើការផ្សព្វផ្សាយ ដើម្បីរារាំងឧក្រឹត្យកម្មព្រៃឈើ រួមទាំងសកម្មភាពខ្នាតធំ, ការដាក់ដីព្រៃ ជាដីសម្បទានជីករករ៉ែ ការធ្វើកសិឧស្សាហកម្ម ព្រមទាំងសម្បទានព្រៃឈើផងដែរ។ បណ្តាញសហគមន៏ ធ្វើការល្បាតព្រៃ រួមនឹងការប្រើប្រាស់បច្ចេកវិទ្យាស្មាតហ្វូន ដើម្បីកត់ត្រាភត្តុតាង ចងក្រងឯកសារ និងផ្តិតយករូបភាព និងព័ត៌មានទូទៅទាក់ទងនឹងព្រៃឈើ ឧក្រឹត្យកម្មព្រៃឈើ និងជីវិតសត្វព្រៃជាដើម។ ទិន្នន័យទាំងអស់នេះ បានក្លាយជាប្រភពព័ត៌មានអំពីព្រៃឈើយ៉ាងសំខាន់ និងជាព័ត៌មានដែលស្ថាប័នពាក់ព័ន្ធផ្សេងៗអាចយកទៅប្រើប្រាស់ដើម្បីពង្រឹងកិច្ចការងារ ផ្សព្វផ្សាយដើម្បីការពារព្រៃឡង់ជាបន្តទៀត។ ស្វែងយល់បន្ថែមនៅក្នុងឯកសារ “កម្មសិក្សាបណ្តាញសហគមន៏ព្រៃឡង់(PLCN) ប្រទេសកម្ពុជា” … Read More